شريك العمر...لأ، شريك الدنيا والآخرة

 هأختار شريك الحياة والآخرة إزاي؟

شريك العمر مش شراكة على ورق...ده شريك دنيا وآخرة ..ومش عايزة أخد ذنوب على إختيار غلط وأشيل ذنب أولاد جم لدنيا بسببي وبسبب إختياري الغلط

جملة "الجواز زي البطيخ" بتضايقني ...إحنا مش فكهانية أومال اللي فوق كتافك ده ايه؟! قرع عسلي مش مخ؟!...دايماً بتكون في علامات بتبين كل العيوب في فترة التعارف بس إحنا بنتجاهلها تحت بند "مراية الحب عامية"لأ دي مفتحة وإحنا اللي بنملاها شبورة علشان ما نشوفش بمزاجنا.

محدش يقولك لما أنا إخترت أو "بسخرية" أنت بتحلم تلاقي نصك؟ ابقى قابلني! طب ده أنا قرفان وزهقان والجواز قرف...

حاجة غريبة إن كلهم بيقولوا الوحش بس وماحدش بيفتكر يقول كلمة حلوة في شريك حياته...يا إما عنده الزهايمر ونسي اللحظات الحلوة يا إما خايف من الحسد "دول كتير وخصوصاً السيدات" أو هو فعلاً عايش حياة صعبة "آسفة" وغبي وراضي بيها ويدمر الباقي من عمره"

حياتنا مش كتالوج بيتوزع علينا ولازم كلنا نمشي على نفس الكتالوج...اكتب كتالوج حياتك وماتشترهوش جاهز...عمرك وحياتك وكتالوجك أنت... أنت ‎.‏

طيب لو مش لاقي نصي؟

لو مالقتش نصك هتعرف تكون واحد صحيح لوحدك...مش لازم كلنا نكون نصين ولا كلنا نكون واحد صحيح...الحياة مش كوبي وبيست ..الحياة حيوات كتير بألوان وأحجام مختلفة...ارسم حياتك ولونها بألوانك وكبرها أو صغرها على مزاجك.

لو مالقتش نصك أوعى ترضى بأي نص... حياتك مش صورة يحب غيرك يشوفها وأنت بتركب لها البرواز...حياتك حكاية أنت تحب تكون جواها..أَحسن اختيار حكايتك.  ‎‏

لو اخترت حكايتك وفشلت أو أنت مش راضي عنها أرجوك ماتحكيهاش لغيرك...ماتحبطش حد لسه بيرسم غلاف حكايته سيبه يحلم زي ماكان لك الحق تحلم ... أو احكي الحلو زي ما بتحكي الوحش ولا أنت عندك الزهايمر؟!

أنا هأختار إزاي؟

لو لقيت اللي يموت معايا مستعدة أعيش معاه 

بعض من....

خواطري عن الموت...

الموت بيعدي جنبنا كل صباح.. ونسأله لسه أمرنا مش مباح ..يبص لنا ويقولنا لسه ماجاليش السماح.

الميعاد بيجي لما مهمتك بتنتهي..أنت جيت لسبب حققه وهتمشي، ومش دايما بيكون السبب خير...أحيانا وجودك إختبار لصبر غيرك.

لما حد بيموت بأبص لحياته ألاقيه ما مامتش غير في أعلى نقطة من تحقيق هدف وجوده....حققه خلاص يتنقل لحياة تانية من غير نهاية بس مبنية على بداية.

الموت بيوجع اللي لسه فيها....اللي فارقها بينفصل عن المشاعر اللي عارفينها وبيتولد له حس جديد مانعرفوش ولا نعرف نوصفه.

زعل الفراق صعب...بس فرحته هو باللقا أحلى...يابخته اللي ارتاح وفرح ^_^ .

محدش بيموت ناقص عمر ولا هدف.

.ولي في أنس عبرة. :)

بعض من ...

خـــواطري...

إن خذلتك النهايات فحاول أن تُحسن إختيار البدايات.

قلبك ملكك لا تعطيه الإ لمن يستحقه....مهما طال إنتظاره.

الحب يبدأ بحب نفسك ثم يتدرج لحب غيرك وليس العكس.

كن أنت وأسعى لنفسك.

أنت بصمة إنسان ...لست كغيرك وليس غيرك مثلك.

كن راضياً واسع لما يرضيك أكثر.

بعض الناس يستطيعون أن يعبروا عما بداخلهم ...والبعض الآخر داخلهم يعبر عنهم.

لا تسأل غيرك عن كيف تحيا ....خلقك لتجد طريقك وحدك.

لا تنظر خلفك فالماضي يُتعبك ...ولا تنظر لأعلى فليس مدى نظرك ...أنظر أمامك فهو مجالك.

قد يحزنك إكتشاف أنك مخطئ أو مقُصر....ولكن اكتشافك لذلك أفضل من استمرارك لتدراك المتبقي من العمر.

دائماً ما يعطيك المحنة مصاحبة بالمنحة....فلماذا لا تدرك منحتك.

ضع حدودك ولكن لابد من أن تتطلع خارجها من حين لأخر لتكتشف ماهو دونك.

تذكر أنك تحيا بروحك أكثر من جسدك....فهى خالدة حتى بموتك دعها تؤثر بنفوس من سيتركهم جسدك.

لحياتك أنظر لنفسك دون غيرك ...ولتعاملاتك أنظر لغيرك دون نفسك.

 

إن أعجبك ما فيه غيرك فأعلم أنه بشر مثلك ولا يستعصى عليك السعى له.

كن لمن حولك ما يجعلهم يبتسمون عند سماع اسمك.

المعطيات ليست مسلمات ودائما ما تخضع لتغييرات فأخضع عقلك لبعض الموائمات.

لا حكم لحياتك دونك ...احكم واعدل.

دع روحك تصل لعنان السماء أما قدمك فدائما على الأرض كي لا تواجه عناء.

كــــــــــــن أنـــــــــــت.